.jpg)
Hazrat Umar Farooq (RA), Islam ka doosra Khalifa, apne insaaf aur adal ke liye duniya bhar me mashhoor hain. Unka dor-e-khilafat insaaf, barabari, aur khidmat-e-khalq ka behtareen namoona tha. Unka har faisla Allah ke khauf aur awam ke haq mein hota tha. Hazrat Umar (RA) ka ek waqia insaaf ka wo roshan namoona hai jo har hukmaran ke liye misaal hai.
Ek dafa ke zikr hai ke Hazrat Umar (RA) raat ka samay Madina ke galiyoon mein ghoom rahe the. Aap ka aam maamool tha ke aap raaten ko awam ki haalat jaanchne nikalte the taake kisi par zulm na ho raha ho, ya koi bhooka-pyasa na so raha ho. Aap ke saath aapke ghulam Aslam bhi hote the.
Us raat jab aap Madina ke ek kone mein pohnche, to dekha ke ek choti si jhopdi se bachon ke rone ki aawaz aa rahi hai. Hazrat Umar (RA) ne ruk kar dekha to ek aurat chulhe par bartan rakhe bethi thi. Bachay rote ja rahe the aur wo unhein tasalli de rahi thi. Aap ne us se poocha:
"Ey bibi, yeh bachay kyun ro rahe hain?"
Us aurat ne jawab diya, "Yeh bhooke hain. Mere paas kuch khana nahi hai. Main bartan mein paani aur pathar dal kar pakane ka naatak kar rahi hoon taake bachay so jayein."
Hazrat Umar (RA) yeh sun kar bohot ghamzada hue. Aap ne poocha, "Kya tumne Khalifa Umar ko is baat ki shikayat ki?"
Us auraton ne gusse se kaha, "Umar? Uska wo apni zimmedari nibha nahi raha. Usay awam ki halat ka pata?."
Hazrat Umar (RA) ne bina bataye wapas bait-ul-maal ki taraf rukh kiya. Wahan se atta, ghee, khajoor aur gosht ka thaila uthaya. Apne ghulam Aslam se kaha ke woh yeh saaman uthaye, lekin ghulam ne kaha, "Aap ka hukam sar ankhon par, lekin yeh kaam main kar leta hoon."
Hazrat Umar (RA) ne poochha, "Qayamat ke din jab yeh aurat mere khilaf shikayat karegi, to kya tu mere bojh uthayega?"
Phir Hazrat Umar (RA) khud wo thaila uthakar us aurat ke ghar laye, khana pakwaya, aur apne haathon se bachon ko khilaya. Jab bachay hasne lage, to aap ki aankhon mein aansu aa gaye. Aap ne kaha, "Yeh muskurahat Umar ke liye sabse bada inaam hai."
Subah hone se pehle aap ne apne aap ko us aurat ke samne zahir kiya aur us se maafi bhi maangi. Us aurat ne hairani se dekha ke jise wo Umar keh kar bura keh rahi thi, wo to khud us raat ka musafir tha jo unke bachon ke liye khana banata tha.